Գլխավոր էջ » Ֆայլեր » Ռեֆերատներ » Կենսագործունեության անվտանգություն |
11.06.2016, 14:45 | |
Էլեկտրամագնիսական դաշտերի վնասակար ազդեցությունը և թույլատրելի սահմանային չափերը Բարձր և գերբարձր հաճախականությամբ էլեկտրամագնիսական դաշտերի վնասակար ներգործությունը մարդկանց վրա կախված է ճառագայթման ինտենսիվությունից, հաճախականությունից, տևողությունից, աղբյուրի հեռավորությունից, ինչպես նաև ճառագայթվող օրգանիզմի անհատական առանձնահատկություններից: Մարմնի մակերևույթին ընկած գերբարձր հաճախականությամբ էներգիան մասամբ անդրադառնում է, իսկ կլանված մասը` 2-3 սմ խորությամբ ներթափանցում է հյուսվածքների մեջ: Անդրադարձման աստիճանը կախված է մարմնի ճառագայթվող մասի ճարպային շերտի հաստությունից: Այդ շերտը համեմատաբար փոքր է գլխուղեղի և ողնուղեղի վրա, իսկ աչքերը համարյա զուրկ են դրանից, հետևաբար, այդ օրգաններն ավելի ենթակա են էլեկտրամագնիսական դաշտերի ազդեցությանը: Թույլատրելի սահմանային չափերին գերազանցող բարձր և գերբարձր հաճախականությամբ դաշտերի տևական ազդեցությունը օրգանիզմում առաջ է բերում նյարդային և սիրտ-անոթային համակարգերի ֆունկցիոնալ խանգարումներ: Ճառագայթահարված մարդը տառապում է գլխացավով, դառնում է դյուրագրգիռ, խանգարվում է նրա քունը, բարձրանում է արյան ճնշումը, թուլանում` հոտառությունը: Աչքերի ճառագայթահարման հետևանքով տեղի է ունենում ակնաբյուրեղների մթագնում (կատարակտ): Մարդկանց առողջությանը սպառնացող վտանգը կանխելու նպատակով, սանիտարական նորմաներով սահմանված են բարձր և գերբարձր հաճախականությամբ էլեկտրամագնիսական դաշտերի ճառագայթման թույլատրելի սահմանային չափեր (ГОСТ 12.1.006-76): Այսպես, օրինակ`բարձր հաճախականությամբ հալոցային և ինդուկցիոն վառարանների մոտ, որպես բացառություն, դաշտի լարվածությունը թույլատրվում է մինչև 20 Վ/մ. ըստ որում դաշտի մագնիսական բաղադրիչի լարվածությունը չպետք է անցնի 5 Ա/մ-իվ: Ուլտրաբարձր հաճախականությամբ էլեկտրամագնիսական դաշտի լարվածությունը աշխատատեղերում չպետք է գերազանցի 5 Վ/մ-ից: Գերբարձր հաճախականությամբ ճառագայթման ինտենսիվության թույլատրելի սահմանային մեծությունը սահմանված է հետևյալ չափերով.
Արտադրական որոշ պրոցեսների ընթացքում առաջ է գալիս դաշտի բավականին մեծ լարվածություն, օրինակ` բարձր հաճախականության տեղակայանքներով մետաղները մխելիս այն հասնում է մինչև 100 Վ/մ և 40 Ա/մ – ի: Այդ պատճառով նման սարքավորումների օգտագործման ժամանակ պաշտպանական միջոցառումները խիստ անհրաժեշտ են: | |
Դիտումներ: 2125 | Բեռնումներ: 0 | |
Մեկնաբանություններն ընդամենը՝: 0 | |