Գլխավոր էջ » Ֆայլեր » Ռեֆերատներ » Կենսագործունեության անվտանգություն |
11.06.2016, 14:50 | |
Պաշտպանական այլ միջոցառումներ Բարձր, ուլտրաբարձր և գերբարձր հաճախականությամբ էլեկտրամագնիսական դաշտերից պաշտպանվելու համար, բացի էկրանավորումից կարևոր նշանակություն ունի նաև աշխատանքի ճիշտ կազմակերպումը, ինչպես նաև անհատական պաշտպանական միջոցների օգտագործումը, թողարկումը և շահագործումը կատարվում է սահմանված որոշակի կարգի և հրահանգավորման համաձայն: Սպասարկող անձնակազմը պետք է ունենա համապատասխան որակավորում և նախքան աշխատանքի անցնելը հրահանգավորվի աշխատատեղում: Առանձնապես մեծ վտանգ են ներկայացնում գերբարձր հաճախականությամբ ռադիոսարքավորումները, որոնց շահագործման ընթացքում սպասարկող անձնակազմը կարող է ենթարկվել ոչ միայն էլեկտրամագնիսական դաշտերի, այլ նաև ռենգենյան ճառագայթների, օզոնի և ազոտի օքսիդների ներգործությանը: Հետևաբար, անհրաժեշտ միջոցառումներ են ձեռնարկվում այդ վնասակարություններից պաշտպանվելու համար: Այդ առումով կարևոր նշանակություն ունեն աշխատանքների ավտոմատացումն ու մեքենայացումը. ճառագայթման աղբյուրներից աշխատատեղերի անհրաժեշտ հեռավորություն ապահովումը. աշխատանքի նպաստավոր կազմակերպման միջոցով ճառագայթման գոտում սպասարկող անձնակազմի գտնվելու ժամանակամիջոցի կրճատումը և այլն: Մեծ ուշադրություն է դարձվում բարձր և գերբարձր հաճախականության սարքավորումներ պարունակող շենքերի սանիտարական հիգենիկ պայմանների, առանձնապես օդափոխության բարելավմանը: Սպասարկող անձնակազմը պետք է ապահովված լինի նաև անհատական պաշտպանական միջոցներով: Պաշտպանական արտահագուստը պատրաստվում է 0,5 մկմ տրամագծով մեկուսացված մետաղալարերի ու բամբակե հյուսվածքից. բամբակե թելերը գործվածքին տալիս են փափկություն և խտություն: Պաշտպանական ակնոցների(ОМЗ – 5 տիպի) շրջանակները պատրաստվում են մետաղազօծ, գործվածքով պատված, սպունգանման ռետինից, նույն ձևի, ինչպիսին կրում են օդաչուները: Դրանց ապակիները ծածկվում են անդրադարձնող կիսահաղորդչային անագի օքսիդով, որի լուսաթափանցելիությունը մոտավորապես 74% է: | |
Դիտումներ: 429 | Բեռնումներ: 0 | Մեկնաբանություններ: 1 | |
Մեկնաբանություններն ընդամենը՝: 0 | |