Գլխավոր էջ » Ֆայլեր » Ռեֆերատներ » Տնտեսագիտություն |
11.06.2016, 15:07 | |
Ձեռնարկության սեփական կապիտալը Ֆինանսական հարաբերություններ իրականացնելու համար ձեռնարկությունը պետք է դրամական անհրաժեշտ ռեսուրսներ ունենա: Ձեռնարկության ֆինանսական ռեսուրսները` դա նրա կազմավորման ժամանակ ձևավորված և կազմակերպության արտադրական – տնտեսական գործունեության հետևանքով ապրանքների ու ծառայությունների իրացման հաշվին լրացված, ունեցվածքի դուրս գրման, ինչպես նաև ֆինանսական արտանքի աղբյուրներից ներգրավված դրամական միջոցներն են: Ձեռնարկության դրամական միջոցների այդ ամակցությունը նախատեսված է նրա ֆինանսական պարտավորությունները կատարելու համար: Ձեռնարկության ֆինանսական կայունությունը և անվճարունակության ռիսկը կախված են նրա ֆինանսական ռեսուրսների տեսակներից: Ձեռնարկության ֆինանսական ռեսուրսների ձևավորման աղբյուրներ են համարվում նրա սեփական (ներքին) և փոխառու (արտաքին) միջոցները: Սեփական կապիտալը` դա դրամական այն միջոցներն են, որը ձեռնարկությունը կարող է հանգիստ կերպով ռիսկի ենթարկել` երկարատև ներդրումներ կատարելու համար: Սեփական կապիտալի առանձնահատկությունը կայանում է նրանում, որ այն պարտադիր կամ երաշխավորված շահույթ չի բերում, որպիսին պետք է ստացվի ցանկացած գործի դեպքում: Ձեռնարկության սեփական կապիտալին են վերաբերում կանոնադիր կապիտալը, ռեզերվային կապիտալը, չբաշխված շահույթը և այլն: Կանոնադիր կապիտալն իրենից ներկայացնում է ձեռնարկության հիմնադիրների ներդրումների համակցությունը: Կանոնադիր կապիտալի ձևավորումը կապված է ձեռնարկության կազմակերպական – իրավական ձևերի առանձնահատկությունների հետ: Ձեռնարկությունների սեփական կապիտալի մեջ կանոնադիր կապիտալի և նշանակությունը, և չափերը անընդհատ աճում են: Կանոնադիր կապիտալի մեջ մուծումները կարող են իրականացվել ինչպես դրամական ձևով, այնպես էլ ունեցվածքային ձևով (շենքեր): Լրացուցիչ (ավելացված) կապիտալը` դա դրամական միջոցների կուտակումն է: Ավելացված կապիտալի գործնական աղբյուր են ծառայում հիմնական միջոցների վերագնահատման միոցները: Ավելացված կապիտալի հաշվին ձեռնարկության կանոնադիր կապիտալի ավելացումը բնական երևույթ է: Ռեզերվային կապիտալը ստորաբաժանվում է ռեզերվային ֆոնդերի երկու տիպի: Պարտադիր ռեզերվային ֆոնդը ստեղծվում է տվյալ երկրի օրենսդրությանը համապատասխան, որի ծավալը պետք է կազմի ձեռնարկության անոնադիր կապիտալի ոչ պակաս 15%-ը: Ռեզերվային ֆոնդի մյուս տիպը` ձեռնարկության ոչ պարտադիր ռեզերվային ֆոնդերն են, որոնք կարող են օգտագործվել.
Ռեզերվային կապիտալի նշանակությունը ձեռնարկությունների համար առանձնապես մեծ չէ: Ֆինանսավորման սեփական միջոցների մեջ նրա բաժինը 2-5%-ից չի գերազանցում: Սեփական այլ միջոցներին են վերաբերում զուտ շահույթի մի մասը` չբաշխված շահույթը, որը մնում է ձեռնարկության տրամադրության տակ և ծառայում է որպես ֆինանսավորման աղբյուր: Չբաշխված շահույթը նույնպես կարող է կուտակվել ինչպես ձեռնարկության ռեզերվային, այնպես էլ հատուկ նշանակության ֆոնդերում, որոնց հաշվին անմիջականորեն ծածկվում են արտադրական պրոցեսների հետ չկապված ծախսերը: Կուտակման ֆնդի մեջ, ըստ հիմնադիրների որոշման, կենտրոնացվում է զուտ շահույթի մի մասը, որն օգտագործվում է արտադրության մեջ կապիտալ ներդրումներ կատարելու համար: Ներդրումային ֆոնդը նախատեսված է արտադրության զարգացման համար: Այդ ֆոնդի մեջ համակենտրոնացվում են.
| |
Դիտումներ: 2002 | Բեռնումներ: 0 | Մեկնաբանություններ: 2 | |
Մեկնաբանություններն ընդամենը՝: 0 | |