Գլխավոր էջ » Ֆայլեր » Ռեֆերատներ » Տնտեսագիտություն |
11.06.2016, 15:19 | |
Ձեռնարկության շահույթը, նրա բաշխումը և օգտագործումը Շահույթի տնտեսական էությունը վերաբերում է ժամանակակից տնտեսագիտության տեսության մեջ առկա բարդ և դիսկուսիոն (վիճելի) պրոբլեմին: Տնտեսական տեսակետից շահույթը` դա դրամական մուտքերի և ելքի (վճարումների) միջև տարբերությունն է: Շահույթի ստացումը հանդիսանում է ձեռնարկության գործունեության հիմնական ստրատեգիական նպատակը: Հաշվառումը և ձեռնարկության ֆինանսական արդյունքները: Ձեռնարկության գործունեության հաշվառման քաղաքականությունն էական ազդեցություն է ունենում նրա ֆինանսական արդյունքների վրա: Որքանով շահույթը եկամուտների ու ծախսումների միջև տարբերությունն է, ապա դրանց հաշվարկման մեթոդի ընտրությունն ավելացնում կամ պակասեցնում է ձեռնարկության ֆինանսական վերջնական արդյունքը: Օրինակ, եկամտի փաստացի ճանաչումը ենթադրում է ֆիրմայի գործունեության վերջնական արդյունքի ստացում: Առանձին դեպքերում, եկամուտը կարող է որպես իրացում չճանաչվել, եթե աշխատանքների ավարտման մասին ակտ չի ստորագրվել, չնայած օբյեկտն ընդունված է և նրա արդյունքներից պատվիրատուն օգտվում է: Շահույթի պլանավորման մեթոդները: Շահույթի պլանավորումը ձեռնարկության ֆինանսական գործունեության բաղկացուցիչ մասն է: Այն կատարվում է ըստ ձեռնարկության գործունեության բոլոր տեսակների: Դա պայմանավորված է գործունեության տարբեր ոլորտներից ստացված շահույթի հարկման մեթոդոլոգիական որոշակի հաշվարկումներով: Կայուն զարգացող էկոնոմիկայի պայմաններում շահույթի պլանավորումն իրականացվում է առաջիկա 3-5 տարիների համար: Համեմատաբար կայուն գների և տնտեսավարման կանխագուշակվող պայմանների դեպքում կիրառվում է շահույթի ընթացիկ պլանավորումը մեկ տերվա շրջանակներում: Տնտեսական ու քաղաքական ոչ կայուն իրավիճակների դեպքում, այն պլանավորվում է ավելի կարճատև ժամանակի համար եռամսյակ, կես տարի: Շահույթի պլանավորումն օգտագործում է բիզնես-պլանի բոլոր չափանիշները և որոշում է ձեռնարկության ամբողջ գործունեության ֆինանսական արդյունքը: Շահույթի պլանավորման մեջ օգտագործում են ուղղակի հաշվի, վերլուծական և արտադրական (գործառական) լծակի վրա հիմնված մեթոդները:
իրացումից ստացած շահույթի հաշվարկը:
ասորտիմենտի աննշան փոփոխման և գնի սղաճի աճի բացակայության դեպքում: Արտադրական (գործառնական) լծակի էֆեկտի վրա հիմնված (CVR-վերլուծություն) մեթոդի դեպքում շահույթի պլանավորումը հենվում է ծախսերը` հաստատուն և փոփոխուն մասերի բաժանման և սահմանային (մարժինալ) շահույթի հաշվարկման վրա: Այստեղ արտադրանքի իրացումից ստացված արդյունքից հանվում են փոփոխուն ծախսերը և արդյունքում մնում է սահմանային շահույթը: Անվնասաբերության կետ է կոչվում վաճառքի ծայրագույն ծավալը, որի դեպքում առևտրական ձեռնարկությունն ընդունակ է ծածկել իր բոլոր ծախսերը, չստանալով շահույթ, ինչպես և վնաս չկրել: Անվնասաբերության կետի հաշվարկը համարվում է կազմակերպության բացառիկ իրավունքը և օգտագործվում է գների գծով որոշումներ ընդունելու համար: Անվնասաբերության կետի հաշվարկի տնտեսական իմաստը բացահայտվում է ձեռնարկության կետի ապրանքի գծով պահանջարկի ու առաջարկի փոխգործողության վերլուծության հիման վրա: Շահույթի աճի գործոնները: Կազմակերպության շահույթի պլանավորման գործընթացում կարևոր է որոշել, ինչ գործոնների հաշվին այն կարող է աճել կամ նվազել: Շահույթի աճի գործոններին են վերաբերում: -վաճառքի ծավալը, -գների աճը, -ինքնարժեքի իջեցումը, -թողարկվող արտադրանքի ասորտիմենտտի նորացումը: Շահույթի աճի գործոններին է վերաբերում նաև թողարկվող արտադրանքի ասորտիմենտի ու անվանակարգի ռացիոնալ ընտրությունը և հիմնավորումը: Ֆիրմայի շահույթի բաշխումը և օգտագործումը: Էկոնոմիկայի, նրա տնտեսական արդյունավետության վրա ֆինանսների ներգործման մեխանիզմը գտնվում է ոչ թե հենց արտադրության մեջ, այլ բաշխման դրամական հարաբերություններում: Շահույթի օգտագործման ուղղություններն արտացոլում են ձեռնարկության ստրատեգիական հեռանկարային ու ընթացիկ խնդիրները: Շահույթը բաշխվում է պետության, ձեռնարկատերերի և ֆիրմաների միջև: Այդ բաշխման համամասնությունները նշանակալի չափով ներգործում են ձեռնարկության գործունեության արդյունավետության վրա` ինչպես դրական, այնպես էլ նեգատիվ ձևերով: Շահույթի գծով ձեռնարկությունների ու պետության փոխհարաբերությունները կառուցվում են շահույթի հարկման հիման վրա: Հարկերը նշանակալի ազդեցություն են ունենում ֆիրմայի տնտեսական գործունեության ֆինանսական արդյունքների ձևավորման և զուտ շահույթի մեծության վրա, որի հաշվին կազմավորվում են նրա կուտակման ու սպառման ֆոնդերը: Ձեռնարկությունների կողմից վճարվող հարկերի հաշվարկումը կատարվում է ըստ դրանց տարբեր աղբյուրների: Հարկերի մի մասը ներառվում է արտադրանքի գնի մեջ: Որքանով հարկերի վճարման հիմնական աղբյուրը համարվում է ավելացված արժեքը, ապա հարկերն անմիջականորեն ազդում են ֆիրմայի տրամադրության տակ մնացած զուտ շահությի վրա: Հարկերը վճարելուց հետո մնացած շահույթը բաշխվում է ձեռնարկության և նրա սեփականատերերի միջև: Այդ բաշխումը կախված է շատ գործոններից, որտեղ անհրաժեշտ է օպտիմալ համամասնություն ապահովել շահույթի միջոցների բաշխման մեջ` ձեռնարկության երկարաժամկետային և կարճաժամկետային բազմաֆունկցիոնալ խնդիրների լուծման համար: Բիզնեսի եկամտաբերությունը: Չնայած եկամտաբերության կատեգորիայի հանգամալից ուսումնասիրմանը, այն շարունակում է մնալ շատ դժվար ֆենոմեն: Լինելով ծախսերից ածանցված, այն շատ բանով կանխորոշվում է ծախսերի կառուցվածքով ու դինամիկայով: Ձեռնարկության գործունեության եկամտաբերությունը որպես այդ գործունեության հաջողության չափանիշ, հիմնարար նշանակություն ունի հիմնավորելու. 1.ձեռնարկատիրական գործունեության կազմակերպման նպատակահարմարությունը, 2. ֆիրմայի զարգացման ֆինանսավորումը, 3. արժեթղթերի արժեքի աճը, 4. անձնակազմի զարգացման ծրագրերի իրացման հնարավորությունները և այլն: Վաճառքից շահութաբերությունը ցույց է տալիս թե որքան շահույթ է ստացվել մեկ դրամ (ռուբլի, դոլար) արդյունքի իրացումից, կամ որքան է շահույթի բաժինն արդյունքի գնի մեջ: Այն որոշվում է իրացմումից ստացված շահույթի և ինքնարժեքի ու առևտրական, կառավարչական ծախսերի հարաբերությամբ: Կապիտալի շահութաբերությունը ցույց է տալիս սեփական միջոցների օգտագործման արդյունավետությունը: Այն հաշվվում է համախառն (կամ զուտ) շահույթի և սեփական կապիտալի միջին տարեկան մեծության համբերությամբ: Ակտիվների շահութաբերությունը ցույց է տալիս օգտագործվող ամբողջ կապիտալի տնտեսական շահութաբերությունը և հաշվվում է որպես շահույթի (հարկերը չհանած), կամ զուտ շահույթի և ֆիրմայի ունեցվածքի միջին արժեքի հարաբերություն: Այդ ցուցանիշը օգտագործվում է հատկապես բիզնեսի կարևորագույն ստրատեգիական որոշումները հիմնավորելու համար: Շահութաբերության ցուցանիշներն ընդգծում են ֆերմայի տնտեսական գործունեության ամենաընդհանուր գնահատականը: Դրանցից յուրաքանչյուրը բնութագրում է ֆիրմայի գործունեության որոշակի ոլորտը կամ ասպեկտը: Սակայն ի տարբերություն շահույթի ու եկամուտների մյուս ձևերի, եկամտաբերության ցուցանիշները, լինելով հարաբերական մեծություններ, օգտագործվում են ինչպես տարբեր կոմպանիաներում, այնպես էլ բիզնես տարբեր տեսակներում ներդրումների արդյունավետությունը համեմատելու և ֆիրմայի արգասիքությունը գնահատելու համար: | |
Դիտումներ: 7194 | Բեռնումներ: 0 | Մեկնաբանություններ: 5 | |
Մեկնաբանություններն ընդամենը՝: 0 | |